شســــــــــولف لوردت احجي وانه المختنك بالعــــــــــــبره
شســـــــولف والحزن كاتلني وبعيني الـــــــــــــــف جمــره
شكــــــــولن والشوك ذابحني ومصايبكـــــــــم نار مستعــره
شسولف عن اهل بيت النبي شــــــــــوصف ظلم هالعتـــره
من ياكتر من ياصــــــــــــــوب ابدي الكصيده المكــــــــــصره
خناجر للقهر بالـــــــــــــــروح من امصــــــيبة الزهــــــــــــره
ولحيـــــــــــــــدر بعد طعنـات واحس براسي الف طبـــــــره
يـــــــــاسم اليشــفي الروح ويودع الــــروح منــــــــــدثـــره
سم الحســن يتلولح بجبدي والجبد كلولي شيلم فطــــــره
وشسولف عن ابو الاحــــرار شياطين الشعرعندي متحيـــره
ياسهم ياسيف اليداوينـــي يارمـــــح وصفولي ياشـــــــفره
مصايب كربله اهــــــــــــــات مامرت مثله اعله البشر مـره
وعن عليل التكيد بالحــــديد وللشـــــام افرضوا اســــــــره
وعن سب وشتم كالســيل وسوط الصـــــــابره الحــــــــره
يحسـين الك نارالمــــاتجل يروحي وغصص بالروح الك مــره
سيدي وشرد اكولن بيـــك وانت لهاالفــــــلك ســـــــــــره
يديوان الحزن يادار الهموم يمعشعش بروحي البيك متحيره
غريب وغربت حالي ويـــاك وياك القلم حايــــــــــر بامـــــره
سيدي وحيرت روح الوصف شما وصف جلماتــــــه بتـــــــره
حزين وينحب اعلــه البـــاب خجول ومختنك هايـــــم بقهــره
يبن حيدر حالتـك كلــــــفه مصيبه تنحرني وتدفني الاخــره
يحســــين من يومك ولليوم دنيانا مجتوله وهايمه وعســره
والشـمس من يومك ولليوم منك تستحي وبالغيم متســــتره
لان نور الشـــمس ماوصــل لكلوب الناس ونورك ياعظم سره
يااعظم درس للاجيــــــــال والمافهم درسك ينحني بكبـــره
بقلم الشاعر
حســــــــين الجراح
الخميس ديسمبر 09, 2010 1:15 pm
