وين الكهرباء يا دولة القانون * قصيدة من وحي الواقع المؤلم

المؤلم , الواقع , القانون , الكهرباء , دولة , قصيدة

وين الكهرباء مو صار سبع سنين
انعم الله عله السحب يا برلمانيين
كول نحصف لحد ما يجي تشرين
الاطفال اتلاعه من الحصف يبجون
وين الكهرباء يا برلمانيون وين الكهرباء يا دولة القانون

وابو الديزل يعمي يذبح اللوزة
بس يوم يتأخر تنزل الجوزة
بالحر انعوجنه عوجة الموزة
اتكول نبيع تكة كلهم يهفون
وين الكهرباء يا برلمانيون وين الكهرباء يا دولة القانون

والله بيوتنا ما شايفه التبريد
وبيت البرلماني ابرد من جوريد
انا ادري الحجي والعتب لا ميفيد
يطب الصيف يطلع انتو ما تدورن
وين الكهرباء يا برلمانيون وين الكهرباء يا دولة القانون

واضح كهرباء ما عدنه يا مسؤول
سبع سنين ما سامع شخص منتول
مبارك بس جذب بس ناصبين تيول
ومن هالحر بعد هيهات ينتخبون
وين الكهرباء يا برلمانيون وين الكهرباء يا دولة القانون

ندفع للمولد بالشهر خمسين
والخط ابو الليلي ياخذ تلاثين
والبطران سلفة يكلي سوي منين
اذا بس المولد دافع ثمانون
وين الكهرباء يا برلمانيون وين الكهرباء يا دولة القانون

مو حقها اتظاهر بصرة الاحباب
ميهم مو حلو وجوهم يناس تراب
ما ينحمل حر البصرة والله بآب
وانتم ع السبالت والهوا تغفون
وين الكهرباء يا برلمانيون وين الكهرباء يا دولة القانون

للشاعر حسام البيضاني

حبي قصيدة من واقع حال

شي اكيد من واقع حال

شكــرا لمرورك تحــيــاتــي

الك

» قصيدة بغداد مع حبي
» كيف تكتب قصيدة ؟؟؟
» قصيدة الحب بقلمي
» قصيدة ارتجاليه بعنوان (شسولف)