دارميات وزهيري

الكــون صدگــونــي كلهن
لان العــراقيــــــات مـاكـــو بحسنهن


اذا يغاروون كلهــم خل يغارون
لان هي صدك هاي الحقيقه
العراقيه اصيله وبيهه كل الطيب
مثل اصل الذهب صافي ب بريقه
ومثل جنح الفراشه اطباعهه تصير
جميله وزاهيه وكلش رقيقه
- - - - -


ومضات


أصير فــراش كــون و هـّم أغطيــك
وأحط عيني المخدة لحظرتك نــام
وألوليلك لحن تخدر عليي و تذوب
و المـّك و انــت ذايب بيــن الاحلام


منـو المنكم يگضي الليـل مرتاح؟
ومنو بشفافه باني للضحك بيت؟
يشــردن مني سالوفــات الافــراح
وحتى الصبــر ضاج و گـلي ملـّيت


يالعينك وكيحــــة الدلــع بيهــــا أستااااذ
ولون خدودك يجنّن >> جَمُـر
وجسمك بيي قضايا الوصف منها يخاف
ومنــّك واحــــد يمُــر بالعُـــمـر
...أشّـر عالتـريـــــده بــلا كلام .. نـــذوووب
لك عينــــي تــأمــرنــي أمــر
- - - -


اذا اوصف عيونج لازم اصفن بيج
واذا اصفن صفنتي تطول سنيين
واذا اصفن عليج اتخبل واحتار
و عيوني متكفي تداينت عين


مـن بستـك حبيبي تصدگ احتاريت
ضگت يمكن عسل يمكن بعد احلى
واذا رايد اوصـفــك بعـــد مــا أحتــار
رأســــاً بالــوصف راح اكتبـــك نحله


أحلفي بكل يمين وگولي انساك
و اتحــداج اذا حلفتــــي وگدرتي
زعلت ويــاج مره وشفتج اشلون
على فراگــي ولا لحظــه صبرتي


يل عيونك مرايه تشــوف بيهه الناس
باوع شوف نفســك شوف واحجيلي
وگلي شگد حلو انت و نقي وشفاف
وگلــي شلـون يخلص بألقهـــر ليلي


يل عيونك ربيع و بيهه احس بنار
وجمالك صيف لكن ابد مابي حَّر
يل معرفت طبعك حيرتني وياك
شتاء يذب حراره وصيفك يمَّطر


ترجّيتـك تجيني و إنته ما جيت
حسبالــك أجيلــك بعــد صــدّك
گتلك أرد أشوفـك گبل مامــوت
و إنتـه تگلّي موتـي و هذا ردّك




دارميات
- - - - -
بالكلب سبع اسهام حيل أوجعني
بيهن سهم فرگــاك هــوه الكتلني


اعيونك انته القوس ورموشك اسهام
كلمن يصــد ترميــه و تحكمــه بعدام


بوسـّني فرصة اليــــوم ليش انت خايف؟
هو الله بــس للبـــوس ســوى الشفايـف


خوي استر على الحال خوي استر استر
سگــف البنيتــة ويـــاك بــس غيمـّت خرّ


الگـلب من فحصوه مو دم يغذيه
گلولي بالتحليل اسمك طلع بيه


حسبالك آنه أنسـاك من مـا اخابر
ما ينحمل فرگاك .. بس گـوة صابر


كــون انگلـــب جكليــــت وبحلگـك العب
واكتب على الشفتين هذا احلى ملعب


يل العافك المحبوب ليش المناحة
عـوف الغرام وجوز واخذ استراحة


كلمن يگول انساك صدگني چذاب
حبك جــرح بالــروح ينــزف ولاطاب


تنشد عليك الروح خلهة بقهرهة
هي اشتهت تهواك محد جبرهة


أشرب واريـد أنساك واسكر واذكـرك
مو بالعظم ويطيــب بالكًلب كســرك


من كلشي اغار عليك ويغثني كل شي
كسر بجمع ما أريـــــد وي غيري تحجي


ماجر بعد حسرات واحسبلك حساب
سد بابــك الله ويـاك عند الله الف باب



أبوذيات
- - - - -
عدي سنين هجـرج عــدي ميـّات
الـ عنـّي يروح مثــل العّـدى ميـّات
وآنه هــــواي مثلــج عنــدي ميـّات
وشرط كل وحدة منهن تسوى مية


يظل گلبي بطريقك ساعي وحده


و كلامك مــا توحـّـد ساعــه وحدة
ولك تدري من الگفك ساعة وحدة
إذا شفتك تظل اعتب عليه


همومـي بصدري اضمنـّها و أكتمن
ولا هَمـنـي الوكـت صايــر وكت من
زمـانـي گـــال وك أطـلــب وك أتمن
گلت حضنة لحبيبي و هاي هي


حبــل الشــوگ لفـنــي و أشبگاني
وأجاني بطيف شخصك و أشبگاني
أثاري مـــا شبگتـك ,, و أشبگ آني
طلع حظن الوسادة ابين إيديه


ورد و العـــالم تحسـدك علأأى الشام ... الشمه
وشگولن عالوشم گلـّي على الشام .. الشامه
جمالك عـم عالبصـــرة و على الشام .... الشام
و سبى بغداد و الأردن سوية


عذاب الشـوگ يكتل صله بينا .. صَلبنـا
و وينك ليــش تگطع صلّة بينا .. وصلـك
مدامك احلى واحد صلّى بينا .. يصلي
جماعة نصلي فرض الحب سوية


جميلـه وبالحســن الله وسمها
وحرز بالبيــت صورتهـا وأسمها
اسم كلمــن يمر بيها وأسمها
واسم روحي اذا گلبت عليه


العشك كاروكة يامة لولة بية
وفرني شلون فـــرة لولبية
احبهة وحبها خلـــة لولة بية
ارجف لون طاري الحب مر علية


السمه و الگاع لو مَر ما تلمني
أون و جروح گلبي ما تلمني
إنته لو شايف حلاته ما تلمني
تگابلني و تظل تلطم عليّه


علَيْ دنياي مُر أصبح شهدهه
و بديهه مچلّبه بيّه شهدهه
عليّه نجوم إلبليلك شهّدهه
إذا نايم دقيقه إعتب عليّه


صرت صوره وضعهه الوكت بيطار
لأن گلبي خذاه غراب بي طار
لو يحظر الرازي و بن بيطار
أشيّب راسهم ولعله هيّه


ادين الامك ومنسه شكرها
لان جابت حلو مثلك شكرها
حلات اشفافك من الله شكرها
وانا حب الحله ونفسي دنيه


الوفى ما ضاع بعده صاحي بينه
وابد ماصاح بيهم صاح بينه
شكثر بالدنيا اوادم صاحبينه
ولاصاحب وفي مثلك اليه


زبد يا ملمس الوجنه من الحر
أخاف تموع من تمشي من الحر
إبنادم صوّرك ربّك من الحر
و أنه إلدافع ثمن هاي البليّه


حظوظ الناس حلوة ماله حظنه
ومثل حسنك يغالي مالحظنه
كون بيوم شخصك مال احضنه
قسم سنتين ماهده أمن أديه


حنظل لو ضگت خدّي عسلبيك
و عساهن بيّه يفترن عسلبيك
مريض و فدوه دوصلني عسلبيك
تحط إيدك يطيب المرض بيّه


طـيـر الجــان بأرضــي علمـّنــي
ويـامــا دروس هجــرك علمـّنــي
رغــم الصـار أگــــول العلـّـه مني
روحي الــورطتهه آآنـه بأيديه



و هذا زهيري ايخبل
- - - -
ياصــاح تحت الصفر مقياس حالي صفه
وحكمي مؤبد صدر واسنين اكسر صفه
ابحــر الهمــوم غركت والمي عليه صفه
ولا من حبيب وفـــي ولا حدا من قاربي
من دون كـــل الخــلك انــا غـــرك قاربي
كاتلني ليش البعــد شـويه عليه قربي
سايم عليج النبي وبجاه مروه وصفه